×
Clothes
Child Accessories
Oral Care
Furniture & decor
New Year Collection
Food
Brand
Blog
  •  
    წინ დიდი წარმატებისკენ ❤️
    Visa-სა და Forbes Woman Georgia-ს ერთობლივი კონკურსის სამი ფინალისტის ვინაობა ცნობილია! ქალი მეწარმეებისთვის გამოცხადებული კონკურსის ფარგლებში, 12 ოქტომბერს, პროექტის 10-მა საუკეთესო მონაწილემ, საკუთარი ბიზნეს სტრატეგიების პრეზენტაცია გამართა. კონკურსის ჟიურიმ, წინასწარ განსაზღვრული კრიტერიუმების მიხედვით არჩევანი სამ საუკეთესო ქალ მეწარმეზე შეაჩერა, რომლებმაც დამაჯერებლად წარმოაჩინეს საკუთარი ბიზნესის ხედვა, განვითარების პერსპექტივა და ინოვაციურობა. კონკურსის ქალი მეწარმეებისთვის საქართველოში, ფინალისტები გახდნენ: 1) გვანცა კიკალიშვილი - „ ქართული თანამედროვე ხელოვნების ონლაინ მარკეტფლეისი Art Inception” https://www.facebook.com/gvantsa.kikalishvili 2) მარიამ მაისურაძე – საბავშვო პროდუქტების ელ. კომერციისთვის განკუთვნილი პლატფორმა happykids.ge https://www.facebook.com/maisuradze21 3) მარიამ თავბერიძე – ტანსაცმლისა და აქსესუარების წარმოება ბრენდული სახელწოდებით „ჰამო“ https://www.facebook.com/mariam.tavberidze.9

    Article Author:

    2021-10-28

    Read more
     
    სად შეიძლება ბავშვისთვის მნიშვნელოვანი და საჭირო პროდუქციის შეძენა?
    სად შეიძლება ბავშვისთვის მნიშვნელოვანი და საჭირო პროდუქციის შეძენა? ​პასუხი ძალიან მარტივია - კომპანია ჰეფი ქიდსი ზრუნავს ბავშვთა ბედნიერებაზე და ამასთან ერთად მათი გონებრივი და ფიზიკური უნარ-ჩვევების განვითარებაზე. აქ შეგიძლიათ შეიძინოთ ყველაზე საჭირო და მნიშვნელოვანი ნივთები პატარებისთვის. 1-31 მარტის ჩათვლით facebook ჯგუფების - ​„მცოდნე დედები“ და „​დ​ედები და შვ​ილები“ წევრებისთვის ჰეფი ქიდსი 15%-იან ფასდაკლებას გამოყოფს სრულ კოლექციაზე. როგორ უნდა შევიძინოთ? შესაძენად შეგიძლიათ ესტუმროთ fb გვერდს - ​„happy kids ბედნიერი ბავშვები“, აარჩიოთ სასურველი პროდუქტი და მოიწეროთ ინბოქსში შესაკვეთად. შეგიძლიათ შეკვეთა გააფორმოთ საიტზე - ​happykids.ge შეკვეთისას გამოიყენეთ ფასდაკლების კოდი- formoms2021 რატომ ჰეფი ქიდსი? ყველა პროდუქტი მოწმდება ხარისხით თითოეული პროდუქტი არის უსაფრთხო და არ შეიცავს მომწამვლელ ნივთიერებებს კომპანია ითვალისწინებს მომხმარებლის შეფასებებს, რაც უფრო მეტ კმაყოფილ კლიენტს ნიშნავს ყოველი ნივთის ფასი არის ხარისხის შესაბამისი კომპანია საშუალებას აძლევს მომხმარებელს სახლიდან გაუსვლელად, მცირე დროშიდაათვალიეროს პროდუქცია საიტზე - ​happykids.ge 0-14 წლამდე ასაკის ბავშვებისთვის შესაბამისი პროდუქცია და მრავალფეროვანი არჩევანი მომხმარებელი სარგებლობს ფასდაკლებებით. რა სახის პროდუქციის შეძენაა შესაძლებელი? „სწავლა თამაშით“ - ალბათ, ეს ფრაზა ყველას გაგვიგია. სწორედ ასეთი პროდუქტები შეგხვდებათ ამ კომპანიაში საბავშვო ტანსაცმელი - ქართული, უმაღლესი ხარისხის. ნებისმიერი სახის ტანსაცმელი და საწვიმარი ერთ სივრცეში ქიმიური ექსპერიმენტების ჩატარების შესაძლებლობა ბავშვებისთვის - უცნაურად ჟღერს, არა? (რეაქტივები არის სრულიად უსაფრთხო) სახლის ულამაზესი კარავი და სხვა… გამოიყენე შესაძლებლობა და ისარგებლე 15%-იანი ფასდაკლებით.

    Article Author:

    2021-03-01

    Read more
     
    როგორ შევარჩიოთ ბავშვის ტანსაცმელი?
    ბავშვის ტანსაცმლის შეძენაზე გადაწყვეტილების მიღება არც ისე მარტივია. გარდა იმისა, რომ სამოსი უნდა იყოს ლამაზი, მხედველობაში უნდა მივიღოთ მისი კომფორტულობა, უსაფრთხოება და ხარისხი. ასევე არ უნდა დაგვავიწყდეს ბიუჯეტიც, რაც ხშირად გადამწყვეტ როლს თამაშობს ხოლმე. ბავშვებს, როგორც წესი, ბევრი ტანსაცმელი სჭირდებათ. ერთია, რომ იზრდებიან და ის, რაც გაზაფხულზე კარგად ჰქონდათ, შემოდგომაზე შესაძლოა, აღარ მოერგოთ. მეორეს მხრივ კი, ისინი ტანსაცმელს ვერ და არ უფრთხილდებიან და სწრაფად ისვრებიან, ხშირი რეცხვა კი ქსოვილს აზიანებს. ხშირად ისეც ხდება, რომ შარვალი ან პულოვერი ისე დაუპატარავდებათ, რომ ერთხელაც არ ჩაუცვამთ. მშობლებს კი ისევ და ისევ უწევთ შეძენაზე ზრუნვა, რაც სახალისო არ არის, თუ ტანსაცმლის შერჩევის კრიტერიუმები წინასწარ არ აქვთ განსაზღვრული. რა უნდა გავითვალისწინოთ, სანამ ბავშვს სამოსს ვუყიდით? გთავაზობთ რამდენიმე რჩევას, რომელიც გაგიადვილებთ შოპინგსა და გადაწყვეტილების მიღებას. 1. დარწმუნდით ქსოვილის ხარისხში. ეს განსაკუთრებით მნიშვნელოვანია ჩვილობისას, თუმცა მოზრდილი ბავშვებისთვისაც რეკომენდებულია ბამბის ტანსაცმელი, რადგან მათ მგრძნობიარე კანი აქვთ. ბამბის ქსოვილი რბილია, „სუნთქავს“ და იწოვს ოფლს. ზამთარში გამოგადგებათ შალისა და მატყლის სამოსი, რომლებიც ასევე მაღალი ხარისხის მასალად ითვლება, თბილი და ბუნებრივია. 2. შეარჩიეთ პრაქტიკული ტანსაცმელი - ისეთი, რომელიც სარეცხ მანქანაში ირეცხება. ლამაზი და მოდური არ ნიშნავს აუცილებლად არაპრაქტიკულს. ბავშვის ტანსაცმლის მწარმოებლები უკვე დიდი ხანია ითვალისწინებენ მშობლების დაკავებულობას და არჩევანი ამ მხრივაც დიდია. 3. შეიძინეთ ზომაზე დიდი ტანსაცმელი. პირველ რიგში იმიტომ, რომ ზოგიერთი ქსოვილი, მაგალითად ბამბა, გარეცხვის შემდეგ მჭიდროვდება და ზომაში ოდნავ იკლებს. გარდა ამისა, ბავშვები სწრაფად იზრდებიან. თუ სამოსი 1-2 ზომით დიდი იქნება, ბავშვი მას მალე მოირგებს, თქვენ კი დაზოგავთ თანხას და გაზრდით დროს შემდეგ შოპინგამდე. 4. მოერიდეთ ბევრდეტალიან სამოსს. უმჯობესია ბავშვის ტანსაცმელი მარტივი დიზაინის და ადვილი გასახდელი იყოს, რადგან ხშირად მშობლებს ექსტრემალურ პირობებში უხდებათ ბავშვის გამოცვლა. ასეთ დროს კი მნიშვნელოვანია, შესაკრავი ადვილად გაიხსნას. 5. შეარჩიეთ მკვეთრი ფერის სამოსი. შესაძლოა, თქვენი გოგონასთვის ღია, ნაზი და პასტელური ფერების ტანსაცმელისკენ მიგიწევდეთ გული, მაგრამ გახსოვდეთ, ფაფაში ამოვლებული ბავშვის გამოცვლაზე ისევ თქვენ ხართ პასუხისმგებელი. განსაზღვრეთ ტანსაცმლის ფერი ბავშვის კანისა და თმის ფერის მიხედვით. შესაძლოა, ვარდისფერზე მეტად თქვენს შავგვრემან გოგონას წითელი უხდებოდეს. მოერიდეთ ზედმეტად მუქ ტანსაცმელს. მიუხედავად იმისა, რომ შავი ქურთუკი მოსახმარად მარტივია, ბავშვის ასაკისთვის მკვეთრ ფერებზე არჩევანის შეჩერება სჯობს. და სხვათაშორის, თუ ჰკითხავდით, სავარაუდოდ, მათაც სიჭრელე მოეწონებათ. 6. შეიძინეთ ბავშვური ტანსაცმელი. ხშირად მშობლებს სურთ, შვილები მათი ასლებივით გამოიყურებოდნენ და ყიდულობენ ისეთი სტილისა და მოდელის სამოსს, რომელიც მხოლოდ დიდებისთვის თუ იქნება მისაღები. გახსოვდეთ, რომ ბავშვობის პერიოდი მალე გადის, დიდობა კი წინ არის. თქვენი შვილი ყოველთვის მოასწრებს ისე ჩაიცვას, როგორც თქვენ. როგორც ხედავთ, საბავშვო ტანსაცმლის შერჩევისას არა ერთი ფაქტორის გათვალისწინებაა საჭირო: დაწყებული სამოსის ფერით, დამთავრებული ქსოვილის ხარისხით. მიუხედავად იმისა, რომ საბავშვო მოდა თითქმის ისეთივე დიდი და მზარდი ინდუსტრიაა, როგორც დიდების და მშობლები ინტერნეტში გავრცელებული ტრენდების გავლენას განიცდიან, საბოლოოდ ბავშვის ტანსაცმლის ყიდვისას მთავარი კრიტერიუმი მაინც ხარისხი და კომფორტულობაა. ცხადია, ერთი-ორ გაპრანჭულ პერანგს თუ კაბას განსაკუთრებული შემთხვევებისთვის ყველა ბავშვი იმსახურებს. საქართველოში საბავშვო პროდუქციას არა ერთი კომპანია თუ ბრენდი აწარმოებს. მათი რაოდენობა, საბედნიეროდ, დღითიდღე იზრდება. ბოლო პერიოდში არა ერთი მცირე მეწარმე და სოციალური საწარმო გამოჩნდა, რომლებიც ქართველ მომხმარებელს ხარისხიან, ლამაზ და კომფორტულ პროდუქციას სთავაზობენ. ბევრი მათგანი არ ფლობდა სრულფასოვანი ონლაინ შოპინგის შესაძლებლობას, თუმცა მას შემდეგ, რაც ბაზარზე HAPPYKIDS.GE გამოჩნდა, ასეთი ბრენდებისა და მეწარმეებისთვის შეიქმნა ციფრული გაყიდვების სივრცე. მომხმარებელს კი მიეცა შესაძლებლობა, იშოპინგოს სახლიდან გაუსვლელად და, ამავდროულად, ხელი შეუწყოს ადგილობრივი წარმოების განვითარებას.

    Article Author:
    სალომე მუმლაძე
    2021-01-27

    Read more
     
    პანდემიის დროს დაბადებული სტარტაპი „Happy Kids • ბედნიერი ბავშვები”
    მსოფლიო შეთანხმებულია, რომ ბავშვები ყველაზე სათუთი არსებები არიან და მათთვის აუცილებელია ჯანსაღი გარემოს შექმნა, რათა გონებრივად და ფიზიკურად განვითარდნენ. მშობლები არაერთი თავსატეხის წინაშე დგანან, როცა საქმე მათ პატარებს ეხებათ. ბუნებრივია, რომ ყველას სურს ბავშვს ხარისხიანი პროდუქცია მიაწვდინოს. სწორედ ამ მიზეზით, პირველი პანდემიისას, ორი ადამიანის, ანა ნადირაძისა და მარიამ მაისურაძის საერთო იდეით, ონლაინ  მაღაზია HappyKids.ge ჩამოყალიბდა, რომელიც მიზნად ისახავს, ყველა იმ ადამიანს დაეხმაროს, ვინც ბავშვისთვის სასურველ ნივთს ირჩევს. გარდა ამისა, მაღაზია ხელს უწყობს მეწარმეებს, მათ შორის შშმ პირებსა და დიასახლისებს, მათი პროდუქციის რეალიზებაში. HappyKids.ge – საქართველოში პირველი ონლაინ პლატფორმა, რომელიც მომხმარებლებს სთავაზობს ერთ სივრცეში გაერთიანებულ საბავშვო ბრენდებს, სადაც ხარისხიანი და მრავალფეროვანი პროდუქციაა განთავსებული. „მიზეზი, თუ რატომაც გადავწყვიტეთ მაინცდამაინც საბავშვო პროდუქტების პლატფორმის შექმნა არის ის, რომ ბაზრის კვლევის შედეგად აღმოვაჩინეთ, რომ მსგავსი სივრცე, რომელიც უშუალოდ ბავშვებისთვის იქნებოდა მორგებული, საქართველოში არ იყო. ჩვენ მივხვდით, რომ ბაზარს სჭირდებოდა ასეთი სივრცე.“ მაღაზიისთვის სახელის მოფიქრება არც თუ ისეთი ადვილია, როგორც ერთი შეხედვით ჩანს, რადგან ამ დროს, ყველაზე მნიშვნელოვანია, მარტივი სიტყვებით მომხმარებელს თავი დაამახსოვრო. ანა და მარიამი საბოლოოდ შეჯერდნენ იმაზე, რომ ბავშვი უნდა იყოს ბედნიერი და სწორედ აქედან წარმოიშვა მარტივი, თუმცა შთამბეჭდავი სახელი – „Happy Kids • ბედნიერი ბავშვები”, რომლის მისიაა, ბავშვებს ბედნიერება აჩუქოს. პანდემიიდან გამომდინარე არსებულმა შეფერხებებმა და შეზღუდვებმა უამრავი ბიზნესი დააზარალა, მაგრამ მიუხედავად ამისა, HappyKids.ge-მ საქმიანობა ზუსტად პანდემიის პერიოდში დაიწყო. „ერთ-ერთი მთავარი საკითხი, არის მიწოდება, სხვა მხრივ კი პირიქით, საკმაოდ დადებითი გავლენა იქონია ჩვენს ბიზნესზე პანდემიამ.“ აღსანიშნავია ისიც, რომ თავდაპირველად, გოგონებმა დამოუკიდებლად შეეჭიდნენ ფინანსურ საკითხებს. მათ სტარტაპს დაეხმარათ TBC-ის პროექტმა Visa-ს მხარდაჭერით, რომელმაც დაუფინანსათ საიტის დამზადება 6 თვის განმავლობაში B2C-ის პლატფორმაზე. „ეს იყო ზუსტად ის საწყისი რთული პერიოდი, როდესაც დავიწყეთ ოპერირება ბაზარზე.“ კითხვაზე, რა იყო ერთ-ერთი ყველაზე დასამახსოვრებელი მომენტი საქმიანობის პერიოდში, სტარტაპი გვპასუხობს: „ჩვენთვის ძალიან სასიამოვნო მომენტი იყო ის, როდესაც აღმოვაჩინეთ ერთ-ერთი დიასახლისი, რომელიც ცხოვრობს ახმეტაში, ამ ქალბატონმა პანდემიის გამო დაკარგა სამსახური. ოჯახი კი დარჩა ძირითადი შემოსავლის წყაროს გარეშე. ეს გოგონა საკმაოდ ნიჭიერია და ქმნის არაჩვეულებრივ პროდუქტებს. ჩვენ დავაკავშირეთ პარტნიორ კომპანიასთან. საბოლოოდ, მათი თანამშრომლობა წარმატებით შედგა და  მოხარულები ვართ, რომ მსგავს აქტივობებში ვერთვებით და გვაქვს იმის შესაძლებლობა, რომ ვიღაცის ცხოვრება უკეთესობისკენ შევცვალოთ, ჩვენი საწყისი სურვილიც ხომ სწორედ ეგ იყო, რომ დავხმარებოდით მეწარმეებსა და მომხმარებლებს.“ FACEBOOK გვერდი: https://www.facebook.com/happykidsgeorgia ვებ-გვერდი: https://happykids.ge

    Article Author:
    Teresa Galstyan
    2021-01-18

    Read more