საცოცი თაღი მაგიდის ზედაპირით
წარმოიდგინეთ, რამდენი ძალისხმევა სჭირდება ბავშვს რომ მისმა სხეულმა დაიწყოს აქტიური, მიზანმიმართული და დამოუკიდებელი აქტივობები. განვითარება ადრეული ასაკიდან იწყება და როგორც სპეციალისტები გვირჩევენ ამ შესაძლებლობებზე დაბადებიდან უნდა ვიზრუნოთ.
უნიკალური, მრავალფუნქციური პროდუქტი – საცოცი თაღი შექმნილია ბავშვის ფიზიკური განვითარების, დამოუკიდებლობისა და უსასრულო თამაშების ხელშეწყობისთვის. იგი ავითარებს ბავშვის ფანტაზიას და მის შემოქმედებით შესაძლებლობებს. შესაძლოა, პატარებმა მას მრავალი დანიშნულება მოუძებნონ, გამოიყენონ როლური, დრამატული თამაშებისთვის, რაც სოციალური გამოცდილებების დაგროვებაში დაეხმარებათ. თაღი სხვადასხვა პოზიციაში შესაძლოა გადააქციონ:
- სათამაშოების საკიდად (mobile)
- ხიდად,
- გვირაბად,
- ციხე-სიმაგრედ,
- ფეხბურთის კარად,
- კარვად,
- მაგიდად,
- საქანელად,
- საყრდენად,
- სათამაშოების სათავსოდ.
სამყაროს შეცნობას ბავშვი დაბადებიდან იწყებს, აკვირდება ფერებს, ფორმებს. საცოცი თაღის სათამაშოების საკიდად გამოყენება შესაძლებლობას გვაძლევს დავეხმაროთ ბავშვის მხედველობის განვითარებას, ვიზუალურ სტიმულაციას, ვიზუალურ-სივრცით აღქმას, თვალის და ხელის კოორდინაციას.
ზრდასთან ერთად თაღი მეტ დატვირთვას იძენს. ის ხდება საყრდენი პატარას დგომისა და სიარულის სტიმულირებისთვის. პირველი ნაბიჯებისთვის საიმედო საყრდენად და უსაფრთხო ბარიერად საცოცი თაღის გამოყენება მისი ერთ-ერთი უნიკალური თვისებაა, რადგან წვრილი კუნთების მუშაობა წინ უსწრებს მსხვილი მოტორული უნარების განვითარებას, რომელიც ხოხვის, წამოჯდომის, წამოდგომის, მიყრდნობის და პირველი ნაბიჯების უსაფრთხოდ განხორციელებაში გამოიხატება. მასზე აცოცება თვეების პატარას გაუძლიერებს კუნთებს, წონასწორობასა და სივრცის აღქმის უნარს.
1 წლიდან ცოცვის დროსაც პატარებს უვითარდებათ კოორდინაციისა და მოტორული უნარები, სწავლობენ სხეულის კონტროლს და ძლიერდებიან ფიზიკურად. საფრთხეების, სირთულეების გადალახვისას ისინი აფასებენ საკუთარ შესაძლებლობებს, ეჩვევიან დამოუკიდებლობას და მეტად თავდაჯერებულნი ხდებიან.
ნატიფ და უხეშ მოტორულ უნარ-ჩვევებთან ერთად თაღი ეხმარება სოციალური უნარებისა და ემოციური ინტელექტის განვითარებას, როდესაც მისი გამოყენებით ბავშვები ერთმანეთთან ურთიერთობენ.
მაგიდის ზედაპირი საშუალებას იძლევა, თაღი გადაკეთდეს სამუშაო, სახატავ, სამეცადინო სივრცედაც კი. რაც ფანტაზიის და აღმასრულებელი ფუნქციების განვითარებას უწყობს ხელს. მაგიდის პოზიცია იდეალურ კომბინაციაშია გოგორას მრგვალ სკამთან, რომელიც თავისი პრაქტიკულობით მნიშვნელოვანი დამხმარეა.
ჩვენ მიერ გამოყენებული ნედლეული უსაფრთხოა და გააჩნია შესაბამისი სერტიფიკატი.
- არყის ხის ფანერა: ამერიკული, CARB II სერტიფიცირებული, I კლასი.
- წყლის ბაზაზე დამზადებული გერმანული წარმოების უმაღლესი ხარისხის ლაქი: EN 71-3 სერტიფიცირებული, რომელიც განკუთვნილია საბავშვო სათამაშოებისა და ავეჯის დასამუშავებლად.
- უსაფრთხოებისა და პრემიუმ ხარისხის მისაღწევად, პროდუქტის ზედაპირი მრავალჯერ მუშავდება სხვადასხვა ზომის ზუმფარის ქაღალდით, რაც მის იდეალურ სიგლუვეს უზრუნველყოფს. ხის მასალის კუთხეები მომრგვალებულია. ვიცავთ ნედლეულის გამოყენების ინსტრუქციას.
ჩვენი პროდუქტების დამზადებისთვის საჭიროა 5-10 სამუშაო დღე.
- ბრენდი
- გოგორა
- ფასი
- USD 140.74
- ქვეყანა
- საქართველო
- ნანახია
- 297